കേരളത്തിലെ വിഖ്യാത ചിത്രകാരിയായിരുന്ന അന്തരിച്ച ടി. കെ പത്മിനി (1940 – 1969) യുടെ ജീവിതവും കാലവും ആസ്പദമാക്കിയെടുത്ത സിനിമയായ ‘പത്മിനി’ കൊൽക്കത്തയിൽ പ്രദർശിപ്പിച്ചു. പത്മിനിയിലെ നായിക അനുമോൾ, എഴുത്തുകാരി ഫാത്തി സലീം എന്നിവർ മുഖ്യാതിഥികളായി പങ്കെടുത്തു. ടി. കെ പത്മിനി മെമ്മോറിയൽ ട്രസ്റ്റിനുവേണ്ടി ടി. കെ ഗോപാലൻ നിർമ്മാണവും സുസ്‌മേഷ് ചന്ത്രോത്ത് രചനയും സംവിധാനവും നിർവ്വഹിച്ച സിനിമയാണ് പത്മിനി. കെ. സി. എസ് പണിക്കരുടെ ശിഷ്യയായിരുന്ന ടി. കെ പത്മിനിയുടെ പെയിന്റിംഗുകൾ ലളിത കലാ അക്കാദമി, നാഷണൽ ആർട്ട് ഗാലറി, സലർ ജംഗ് മ്യൂസിയം, എറണാകുളം ഡർബാർ ഹാൾ ആർട്ട് ഗാലറി എന്നിവിടങ്ങളിൽ പ്രദർശിപ്പിക്കുന്നുണ്ട്.

Book Release of “A Fistful of Mustard Seeds” and the Literary Seminar “Crossing Borders: Gains in Translation” at Kolkata Kairali Samajam on 28/12/2019, organized in association with Kolkata Translators Forum

സുസ്‌മേഷ് ചന്ത്രോത്തിന്റെ നോവൽ ‘ആത്മച്ഛായ’യുടെ പ്രകാശനം സൗത്ത് ഇന്ത്യ ക്ലബിൽ വച്ച് എം. എ ബേബിയും എം. ബി രാജേഷും കൂടി നിർവ്വഹിച്ചു. ചടങ്ങിൽ പി. ശ്രീരാമകൃഷ്ണൻ. ടി. കെ ഹംസ, പി. നന്ദകുമാർ, ടി. കെ ഗോപാലൻ എന്നിവർ പങ്കെടുത്തു.

ആരംഭകാലം മുതൽ സാഹിത്യ സംബന്ധിയായ പ്രവർത്തനങ്ങൾക്ക് കൊൽക്കത്ത കൈരളി സമാജം പ്രാധാന്യം നൽകിവരുന്നു. കേരള സാംസ്‌കാരിക വകുപ്പ്, കേരള സാഹിത്യ അക്കാദമി, മാതൃഭൂമി ദിനപ്പത്രം, ടി. കെ പത്മിനി മെമ്മോറിയൽ ട്രസ്റ്റ്, ഇൻഫോസിസ് ഫൗണ്ടേഷൻ, ഭാരതീയ വിദ്യാഭവൻ, ഒ. വി വിജയൻ സ്മാരക സമിതി, കോവിലൻ അന്താരാഷ്ട്ര പഠനസംഘം, കൈരളി ടി. വി, ആന്ധ്ര അസോസിയേഷൻ, ഭാരതി തമിഴ് സംഘം, സൗത്ത് ഇന്ത്യ ക്ലബ്, ഇന്ത്യൻ ഓയിൽ കോർപ്പറേഷൻ, കോട്ടക്കൽ ആര്യവൈദ്യശാല.. തുടങ്ങിയ അനവധി സാംസ്‌കാരിക സ്ഥാപനങ്ങളുമായി ചേർന്ന് വർഷാവർഷം പരിപാടികൾ നടത്തിവരുന്നു.